அமெரிக்க நடிகர் அலெக் பால்ட்வின் ஹிலாரியா தம்பதியருக்கு ஏழாவது முறையாக குழந்தை பிறக்க உள்ள தகவல் இணையத்தில் வெளியாகி வைரலாகி வருகிறது. அமெரிக்காவை சேர்ந்த பிரபல நடிகரும் திரைப்படத் தயாரிப்பாளருமான அலெக் பால்ட்விட்க்கு தற்போது 63 வயது. நடிகை கிம் பசிங்கரை கடந்த 1993 ஆம் ஆண்டு திருமணம் செய்தார்.
மேலும் இவர்களுக்கு அயர்லேண்ட் எலிசி பால்ட்வின் (23) என்ற ஒரு மகள் உள்ளார். இந்த தம்பதியருக்கு கடந்த 2002ஆம் ஆண்டு கருத்து வேறுபாடு காரணமாக விவாகரத்தானது.அதைத் தொடர்ந்து கடந்த 2012ஆம் ஆண்டில் அலெக் பால்ட்வின் யோகா பயிற்சியாளரான ஹிலாரியா 38 என்பவரை திருமணம் செய்தார்.
இந்த தம்பதியருக்கு இதுவரை 6 குழந்தைகள் பிறந்துள்ளன. கடைசியாக பிறந்த ஆறாவது குழந்தை மரியா வாடகை தாய் முறையில் தம்பதியினர் பெற்றெடுத்தனர். இந்நிலையில் ஹிலாரியா மீண்டும் கர்ப்பம் அடைந்துள்ளார்.
மேலும் இந்த தகவலை அவர் தனது சமூக வலைத்தளத்தில் பதிவிட்டுள்ளார். குடும்பம் குழந்தைகளுடன் உள்ள வீடியோ ஒன்றையும் அவர் வெளியிட்டுள்ளார். இந்த தகவல் இணையத்தில் தற்போது வைரலாகி வருகிறது.
View this post on Instagram
