அன்று முதல் தற்போது வரை திரைப்படங்களில் முக்கிய கதாபாத்திரங்களில் நடிக்கும் நடிகர்கள் மக்களிடையே பலத்த வரவேற்பை பெற்றாலும் அவர்கள் நடிக்கும் அவர்களது கதாபாத்திரத்தின் மூலமே மக்களால் அறியப்படுகின்றனர். அதைத் தாண்டி அவர்களது நிஜ பெயரோ அல்லது அவர்களது இயல்பான வாழ்க்கையைப் பற்றியோ யாருக்கும் அவ்வளவாக தெரிவதில்லை.
அந்த வகையில் பிரபல இயக்குனர் பாலா இயக்கத்தில் விஷால் மற்றும் ஆர்யா இருவரின் மாறுபட்ட கதாபாத்திரத்தில் நடித்து மாபெரும் வெற்றி பெற்ற திரைப்படம் தான் அவன் இவன். இந்தப் படத்தில் ஜமீன்தாரராக ஐனஸ் எனும் முக்கிய கதாபாத்திரத்தில் நடித்தவர் தான் ஜி.எம்.குமார் என்பவர். அந்த படத்தில் இவரை மையமாக வைத்தே படத்தின் கதையும் நகரும்.
இவர் ஆரம்ப காலத்தில் இருந்தே சினிமாத்துறையில் உள்ளார். இந்த படத்தில் நடித்ததன் மூலம் மக்களிடையே அடையாளம் காணப்பட்டார் ஜி.எம்.குமார். எனினும் 1986-ம் ஆண்டு சிவாஜி தயாரிப்பு நிறுவனத்தின் மூலம் பிரபு நடிப்பில் வெளியான படம் தான் அறுவடை நாள். இந்தப் படத்தில் பிரபுவுடன் முக்கிய கதாபாத்திரத்தில் நடித்ததன் மூலம் திரையுலகிற்கு அறிமுகமானார்.
இதைத் தொடர்ந்து பல படங்களில் நடித்துள்ள இவர் பல படங்களை இயக்கியும் தயாரித்தும் உள்ளார். இந்நிலையில் இவர் இயக்கி தயாரித்த பல படங்கள் பெரும் தோல்வியை தழுவியதனால் பெரும் நஷ்டத்தின் காரணமாக சில காலம் சினிமா பக்கமே வராமல் இருந்தார். அதன் பின் வெயில் படம் தான் இவருக்கு ஒரு திருப்பு முனையை கொடுத்தது என்று சொல்லலாம்.
அதன் பின் தற்போது தொடர்ந்து படங்களில் முக்கிய கதாபாத்திரங்களில் நடித்து வருகிறார். மலைக்கோட்டை, மச்சக்காரன், குருவி, மாயாண்டி குடும்பத்தார், தாரை தப்பட்டை, சரவணன் இருக்க பயமேன் போன்ற பல படங்களில் முக்கிய கதாபாத்திரங்களில் நடித்து மக்கள் மத்தியில் நல்ல வரவேற்பை பெற்றுள்ளார். சமீபத்தில் முன்னணி நடிகர் தனுஷ் நடிப்பில் வெளியாகி வெற்றிகரமாக ஓடிய கர்ணன் திரைப்படத்திலும் முக்கிய கதாபாத்திரத்தில் நடித்துள்ளார்.
இவ்வாறான நிலையில் இவர் தனது முதல் படத்தில் தன்னுடன் நடித்த பிரபல நடிகையான பல்லவியை காதலித்துத் திருமணம் செய்து கொண்டார். பல்லவியும் 90-களின் காலகட்டத்தில் ரசிகர்களின் மனதில் கொடிகட்டிப் பறந்த ஒரு முன்னணி நடிகையாவார். தற்போது அவர் சினிமாவில் அவ்வளவாக நடிப்பதில்லை. இந்நிலையில் இவர்களது புகைப்படம் இணையத்தில் வெளியாகி வைராளாகி வருகிறது.
